Litterært stemnemøte

Herborg Kråkevik er skodespelar og songar, og frå 2015 har ho vore redaktør av det årlege juleheftet Juleroser. Ho er ein entusiastisk formidlar av poesi og litteratur. Trond-Viggo Torgersen er legen som blei barne-tv-kjendis, barneombod, standupkomikar, skodespelar, artist og forfattar av fleire bøker. 

No skal Herborg og Trond-Viggo møtast og snakke om kva litteratur dei liker, og kva litteratur kan bety for folk. Kva dikt kan dei utanåt? Har dei nokon gong lese noko som løyste dei opp i tårer? Kva er dei kjæraste litterære minna deira? Kva for dikt eller bokutdrag vil dei gi kvarandre i gåve? Dette og meir til får vi svar på når dei møtest til eit litterært stemnemøte, leia av Mona B. Riise.