Erlend og Herborg i senga til Olav

På loftet heime hos Erlend O. Nødtvedt står senga til diktaren Olav Nygard. Erlend har to små barn, og det er til tider smått med søvn. Av og til går han og legg seg i Olav Nygard si seng, og når han søv, drøymer han mellom anna om «vage kvinnelige former», at «Freud urinerer» og ein «schæferhund i trebur». I boka Olav Nygards seng kretsar tekstane rundt søvn, insomni, draumar, natt og poesien og livet til Olav Nygard. Saman med Herborg Kråkevik, redaktør, songar og skodespelar, går han på hundreårsdagen for Nygard sin død inn i det «knuste sovehjertet».

Dette er eit fritt andre kapittel om Olav og Erlend sine draumar. Det første fann stad på Litteraturhuset i Bergen 15. november.